കല്‍പ്പറ്റ: ജില്ലയില്‍ തിരഞ്ഞെടുത്ത സ്‌കൂള്‍ വിദ്യാര്‍ഥികള്‍ക്കായി സംസ്ഥാന ബാലാവകാശ സംരക്ഷണ കമ്മിഷന്‍ സംഘടിപ്പിക്കുന്ന സംവാദം ഇന്ന് രാവിലെ 10ന് കല്‍പ്പറ്റ എസ്.കെ.എം.ജെ ഹയര്‍ സെക്കന്‍ഡറി സ്‌കൂളില്‍ നടക്കും.
സി.കെ ശശീന്ദ്രന്‍ എം.എല്‍.എ ഉദ്ഘാടനം ചെയ്യും. സംസ്ഥാന ബാലാവകാശ സംരക്ഷണ കമ്മിഷന്‍ ചെയര്‍പേഴ്‌സണ്‍ ശോഭാ കോശി അധ്യക്ഷയാകും. കമ്മിഷന്‍ അംഗം ഗ്ലോറി ജോര്‍ജ്, മലപ്പുറം ശിശുസംരക്ഷണ ഓഫിസര്‍ കെ സുരേഷ് ബാബു, എസ്.കെ.എം.ജെ. ഹയര്‍ സെക്കന്‍ഡറി സ്‌കൂള്‍ ഹെഡ് മാസ്റ്റര്‍ എം.ബി വിജയരാജന്‍ എന്നിവര്‍ പങ്കെടുക്കും. കുട്ടികളുടെ അവകാശങ്ങളെക്കുറിച്ചുള്ള ബോധവല്‍ക്കരണം, കുട്ടികളുടെ വീക്ഷണങ്ങളും പ്രശ്‌നങ്ങളും നേരിട്ട് മനസ്സിലാക്കുന്നതിനുമായാണ് സംവാദം സംഘടിപ്പിക്കുന്നത്. മലപ്പുറം ജുവനൈല്‍ ജസ്റ്റിസ് ബോര്‍ഡ് അംഗം കെ.പി ഷാജി ക്ലാസെടുക്കും. ജില്ലയിലെ 40 സ്‌കൂളുകളില്‍ നിന്നായി 9, 11 ക്ലാസുകളില്‍ പഠിക്കുന്ന ഒരു കുട്ടി വീതവും ഒരു അധ്യാപകനും വീതമാണ് പങ്കെടുക്കുക.