തിരുനെല്ലി: തിരുനെല്ലിയില്‍ നാലുപേര്‍ക്ക് തെരുവുനായയുടെ കടിയേറ്റു. തൃശൂര്‍ സ്വദേശി സജിത് കുമാറിന്റെ മകള്‍ അനുശ്രീ (7), തിരുനെല്ലി ഗുണ്ഡികപറമ്പ് കോളനിയിലെ പ്രസാദിന്റെ മകള്‍ വിസ്മയ (11), രാഘവന്റെ മകന്‍ അഭിലാഷ് (19), രാജുവിന്റെ മകള്‍ ചന്ദ്രിക (5) എന്നിവര്‍ക്കാണ് കടിയേറ്റത്.
തിരുനെല്ലി ക്ഷേത്രദര്‍ശനത്തിനെത്തിയ അനുശ്രീയെ വൈകീട്ട് ആറോടെയാണ് തെരുവുനായ കടിച്ചത്. തുടര്‍ന്ന് കോളനിയുടെ പരിസരത്തുവച്ചാണ് അഭിലാഷിനും ചന്ദ്രികയ്ക്കും വിസ്മയക്കും കടിയേറ്റത്.
കാലുകള്‍ക്കാണ് എല്ലാവര്‍ക്കും കടിയേറ്റിരിക്കുന്നത്. കടിയേറ്റവര്‍ ജില്ലാ ആശുപത്രിയില്‍ ചികിത്സ തേടി.