മഞ്ചേരി: സംസ്ഥാനത്ത് വര്‍ഗീയത പരത്താനുള്ള സംഘ്പരിവാര്‍ ശ്രമം വിജയിക്കാത്തത് ഇടതുപക്ഷ പാര്‍ട്ടിയുടെ ശക്തമായ ഇടപെടല്‍കൊണ്ടാണെന്ന് സി.പി.എം സംസ്ഥാനകമ്മിറ്റി അംഗം പി. ജയരാജന്‍ പറഞ്ഞു. ഡി.വൈ.എഫ്.ഐ മഞ്ചേരി മേഖലാ പൊതുസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. വര്‍ഗീയതക്കെതിരെ ശക്തമായ നിലപാട് എടുത്തതുകൊണ്ടാണ് ആര്‍.എസ്.എസ് സി.പി.എം പ്രവര്‍ത്തകര്‍ക്കെതിരെ  നിരന്തരം ആക്രമണം നടത്തുന്നതെന്നും അദ്ദേഹം ആരോപിച്ചു.
 എം. റഹ്മാന്‍ അധ്യക്ഷനായി. ഡി.വൈ.എഫ്.ഐ ജില്ലാ ജോ. സെക്രട്ടറി പി.കെ മുബഷീര്‍, ബ്ലോക്ക് സെക്രട്ടറി പി.കെ ഉണ്ണികൃഷ്ണന്‍, പ്രസിഡന്റ് ജംസീര്‍ കുരിക്കള്‍, ജംഷീദ് അലി, അഡ്വ. ഫിറോസ് ബാബു, എം. നിസാറലി സംസാരിച്ചു.