ആലപ്പുഴ: സഹോദയുടെ ആഭിമുഖ്യത്തില്‍ നടക്കുന്ന സി.ബി.എസ്.ഇ ജില്ലാകലോത്സവത്തില്‍ ആലപ്പുഴ തുമ്പോളി മാതാ സീനിയര്‍ സെക്കണ്ടറി സ്‌കൂള്‍ ഒന്നാം സ്ഥാനത്ത് തുടരുന്നു. 118 ഇനങ്ങള്‍ പൂര്‍ത്തിയാപ്പോള്‍ 387 പോയിന്റുകളോടെയാണ് മാതാ സ്‌കൂള്‍ ഒന്നാം സ്ഥാനം നിലനിര്‍ത്തിയത്.
രണ്ടാംസ്ഥാനത്ത് എത്തിയ ഡി.വി.ഇ.എം.എച്ച്.എസ്.എസ് ആലപ്പുഴക്ക് 376 പൊയിന്റ് നേടാനായി.
പൂന്തോപ്പ് സെന്റ്‌മേരീസ് സെന്‍ട്രല്‍ സ്‌കൂളിനാണ് മൂന്നാം സ്ഥാനം അവര്‍ 317 പൊയിന്റുകള്‍ സ്വന്തമാക്കി. 343 പൊയിന്റുകളോടെ ഗായത്രി സെന്‍ട്രല്‍ സ്‌കൂള്‍ നാലാം സ്ഥാനവും ചേര്‍ത്തല ബിഷപ് മൂര്‍ സ്‌കൂള്‍ 325 പൊയിന്റോടെ അഞ്ചാം സ്ഥാനവും സ്വന്തമാക്കി. എസ് ഡി വി ഇംഗ്ലീഷ് മീഡിയം ഹയര്‍സെക്കന്‍ഡറി സ്‌കൂളില്‍ നടക്കുന്ന സി.ബി.എസ്.ഇ ജില്ലാ കലോത്സവം ഇന്ന് സമാപിക്കും.
ഒന്നാം സ്ഥാനത്തിനായി ഇഞ്ചോടിഞ്ച് മത്സരമാണ് ഇന്നലെ ദൃശ്യമായത്.