വെങ്കിടങ്ങ്: ശുചിത്വ ബോധവല്‍ക്കരണത്തോടൊപ്പം വിദ്യാര്‍ഥികള്‍ക്കിടയിലെ സാഹോദര്യം ഊട്ടിയുറപ്പിക്കാന്‍ കൗതുകകരവും വ്യത്യസ്തവുമായ പഠനവുമായി ആഗോള കൈകഴുകല്‍ ദിനം ആചരിച്ചു.
തൊയക്കാവ് ആര്‍.സി.യു.പി സ്‌കൂളിലെ അംബ്ലിയില്‍ വിദ്യാര്‍ഥികള്‍ തീര്‍ത്ത ശുചിത്വ ചങ്ങലയിലാണ് സമൂഹത്തിന് തന്നെ മാതൃകയായി കുട്ടികള്‍ക്ക് വ്യത്യസ്തമായ പഠനമൊരുക്കിയത്. ശരിയായ ആരോഗ്യത്തിന് വൃത്തിയുള്ള ശരീരവും അന്തരീക്ഷവും അനിവാര്യമാണെന്നും ശുചിത്വമുള്ള സാഹചര്യം വിദ്യാലയത്തിലും വീട്ടിലും വളര്‍ത്തിയെടുക്കേണ്ട ആവശ്യകതയും പ്രധാനാധ്യാപകന്‍ ഒ.എല്‍ ജോസ് വിദ്യാര്‍ഥികളെ ഓര്‍മ്മപ്പെടുത്തി. ഹെല്‍ത്ത് ക്ലബ്ബ് കണ്‍വീനര്‍ സിനി ജോസ് പ്രവര്‍ത്തനങ്ങള്‍ക്ക് നേതൃത്വം നല്‍കി.