കാക്കനാട്: ടാങ്കര്‍ ലോറിയും കാറും കൂട്ടിയിടിച്ച് രണ്ട് മരണം. വെളുപ്പിനു മൂന്നു മണിക്ക് കാക്കനാട് സീപോര്‍ട്ട് എയര്‍പോര്‍ട്ട് റോഡില്‍ ചിറ്റേത്തു കരയിലാണ് അപകടം നടന്നത്.

ഇരുമ്പനം ഭാഗത്ത് നിന്ന് വരുകയായിരുന്ന മില്‍മയുടെ ടാങ്കര്‍ ലോറിയും, നെടുമ്പാശ്ശേരി ഭാഗത്തു നിന്നു വരുകയായിരുന്ന കാറും കൂട്ടിയിടിച്ചാണ് അപകടം.

കൊടുങ്ങല്ലൂര്‍ സ്വദേശികളായ കാര്‍ യാത്രക്കാരായ ഏഴു പേരില്‍ രണ്ടു പേര്‍ മരിച്ചു. അഭിഷേക്, ഗണേഷ് ആണ് മരിച്ചത്. അപകടത്തില്‍പ്പെട്ട ദിവ്യ, ശില്‍പ, ആദിത്യന്‍, രാജി എന്നിവരെ കാക്കനാട് സണ്‍റൈസ് ഹോസ്പിറ്റല്‍ ഐ.സി.യുവിലും അതീവ ഗുരുതര പരുക്കേറ്റ പത്മാവതി അമ്മയെ എറണാകുളം മെഡിക്കല്‍ ട്രസ്റ്റ് ഐ.സി.യുവിലേക്കും മാറ്റി. കാര്‍ ഓടിച്ചിരുന്ന ആള്‍ ഉറങ്ങി പോയതാണ് അപകട കാരണം.