കൂത്തുപറമ്പ്: ബി.ജെ.പി നേതാവിന്റെ വീടിനു നേരെ ബോംബേറ്. ബി.ജെ.പി കൂത്തുപറമ്പ് മുന്‍സിപ്പല്‍ വൈസ് പ്രസിഡന്റ് മൂര്യാട് കടുവച്ചേരിന്‍മേല്‍ പൊന്നമ്പത്ത് ഷൈജുവിന്റെ വീടിനു നേരെയാണ് ബോംബേറുണ്ടായത്. ശനിയാഴ്ച രാത്രി 11 ഓടെയാണ് സംഭവം. ശക്തമായ സ്‌ഫോടനത്തില്‍ വീടിനു കേടുപാട് പറ്റി. നേരത്തെയും ഷൈജുവിന്റെ വീടിന് നേരെ അക്രമമുണ്ടായിരുന്നു. സംഭവത്തിനു പിന്നില്‍ സി.പി.എം നേതൃത്വമാണെന്ന് ബി.ജെ.പി ആരോപിച്ചു. കൂത്തുപറമ്പ് പോലിസില്‍ പരാതി നല്‍കി.