മറ്റത്തൂര്‍: കൊടകര ബ്ലോക്ക് പഞ്ചായത്ത് അഗ്രോ സര്‍വിസ് സെന്ററിന്റെ ഉദ്ഘാടനം സംസ്ഥാന വിദ്യാഭ്യാസ വകുപ്പ് മന്ത്രി സി. രവീന്ദ്രനാഥ് നിര്‍വഹിച്ചു. 

ചെമ്പൂച്ചിറ പാടശേഖരത്തില്‍ നടന്ന ചടങ്ങില്‍ കൊടകര ബ്ലോക്ക് പഞ്ചായത്ത് പ്രസിഡന്റ് അമ്പിളി സോമന്‍ അധ്യക്ഷയായി. പ്രോജക്ട് ഡയറക്ടര്‍ വി.എസ് റോയ് പദ്ധതി വിശദീകരിച്ചു. മറ്റത്തൂര്‍ പഞ്ചായത്ത് പ്രസിഡന്റ് പി.സി സുബ്രന്‍ കാര്‍ഷികയന്ത്രങ്ങള്‍ ഏറ്റുവാങ്ങി.
തൃക്കൂര്‍ പഞ്ചായത്ത് പ്രസിഡന്റ് പ്രേമകുട്ടന്‍, ബ്ലോക്ക് പഞ്ചായത്ത് വൈസ് പ്രസിഡന്റ് മോഹനന്‍ ചള്ളിയില്‍, ജില്ലാ പഞ്ചായത്ത് അംഗം അഡ്വ. ജയന്തി സുരേന്ദ്രന്‍, കൊടകര ബ്ലോക്ക് പഞ്ചായത്ത് സ്ഥിരംസമിതി അധ്യക്ഷന്മാരായ അഡ്വ. എം.എന്‍ ജയന്‍, ആശാ ഉണ്ണികൃഷ്ണന്‍, വി.കെ ലതിക, മറ്റത്തൂര്‍ പഞ്ചായത്ത് സ്ഥിരംസമിതി അധ്യക്ഷന്‍ പി.എസ് പ്രശാന്ത്, സി.വി ഗിനീഷ്, സുബിത വിനോദ് കുമാര്‍, എ.കെ സുകുമാരന്‍ സംസാരിച്ചു.
കൊടകര ബ്ലോക്ക് കൃഷി അസിസ്റ്റന്റ് ഡയറക്ടര്‍ ഷൈനി ജേക്കബ് സ്വാഗതവും മറ്റത്തൂര്‍ കൃഷി ഓഫിസര്‍ സി. സുരേഷ് നന്ദിയും പറഞ്ഞു.