കോട്ടയം: ഐപ്‌സോ ദേശീയ സമ്മേളനം ജനുവരി 19,20,21 തിയതികളില്‍  കേരളത്തില്‍ നടക്കും. തിരുവനന്തപുരമാണ് സമ്മേളന വേദി. പതിനഞ്ചിലധികം ലോക രാജ്യങ്ങളില്‍ നിന്നുള്ള പ്രതിനിധികള്‍    സമ്മേളനത്തില്‍ പങ്കെടുക്കും.
ലോകസമാധാന പ്രസ്ഥാനത്തിന്റെ ഇന്ത്യയിലെ ഘടകമായ അഖിലേന്ത്യാ സമാധാന ഐക്യദാര്‍ഢ്യ സമിതി (ഐപ്‌സോ)യുടെ ദേശീയ സമ്മേളനത്തിന്  കേരളത്തില്‍ ആദ്യമായാണ് വേദിയൊരുങ്ങുന്നത്.
ആഗോളതാപനവും ഭീകരവാദവും സൃഷ്ടിക്കുന്ന ഭീഷണിയും ഇല്ലാതാക്കി, പരിസ്ഥിതിയുടെ സന്തുലിതാവസ്ഥയും മതനിരപേക്ഷതയും ഉള്ള ലോകത്തെക്കുറിച്ച് ചിന്തിക്കേണ്ടത് അനിവാര്യമായിരിക്കുന്ന സാഹചര്യത്തിലാണ് ഐപ്‌സോ സമ്മേളനം കേരളത്തില്‍ നടക്കുന്നത് എന്ന കാര്യം ശ്രദ്ധേയമാണെന്ന് ദേശീയ ജനറല്‍ സെക്രട്ടറി അഡ്വ വി.ബി ബിനു ചൂണ്ടിക്കാട്ടി.