കൊച്ചി: മഹാരാജാസ് കോളജ് മുന്‍ പ്രിന്‍സിപ്പല്‍ ഡോ.ടി.വി ഫ്രാന്‍സിയെ മഹാരാജാസ് കോളജ് ഗവേണിങ് കൗണ്‍സിലിന്റെ ചെയര്‍മാനായി നിയമിച്ചു. ഡോ പി.കെ അബ്ദുല്‍ അസീസ് രാജിവച്ച ഒഴിവിലാണ് ടി.വി ഫ്രാന്‍സിയെ ചെയര്‍മാനായി നിയമിച്ചത്. മഹാരാജാസ് കോളജില്‍ ലക്ചററായി കരിയര്‍ ആരംഭിച്ച ഫ്രാന്‍സി കോളജ് മെമ്പര്‍ സെക്രട്ടറി, ഗവ കൗണ്‍സില്‍ പ്രതിനിധി, കോളജ് പ്രിന്‍സിപ്പല്‍ എന്നീ ചുമതലകള്‍ വഹിച്ചിരുന്നു.