നരിക്കുനി: ഇസ്‌ലാമിന്റെ മഹത്തായ ആശയങ്ങള്‍ സമൂഹത്തിലെത്തിക്കാന്‍ വിശുദ്ധസാന്നിധ്യമായി സമസ്ത പ്രബോധനരംഗത്തുണ്ടാകുമെന്ന് സമസ്ത സെക്രട്ടറി കോട്ടുമല ടി.എം ബാപ്പു മുസ്‌ലിയാര്‍. പുല്ലാളൂരില്‍ പാറന്നൂര്‍ പി.പി ഇബ്‌റാഹിം മുസ്‌ലിയാര്‍ മെമ്മോറിയല്‍ അക്കാദമിയുടെ കീഴില്‍ നടന്നുവരുന്ന ആണ്ടുനേര്‍ച്ചയോടനുബന്ധിച്ച് സംഘടിപ്പിച്ച പരിപാടി ഉദ്ഘാടനം ചെയ്യുകയായിരുന്നു അദ്ദേഹം.
അക്കാദമി പ്രസിഡന്റ് സയ്യിദ് മുഹമ്മദ് കോയ തങ്ങള്‍ ജമലുല്ലൈലി അധ്യക്ഷനായി. അക്കാദമി ഓഫിസിന്റെ ഉദ്ഘാടനവും ബാപ്പു മുസ്‌ലിയാരും കലണ്ടര്‍ പ്രകാശനം എ.വി അബ്ദുറഹ്മാന്‍ മുസ്‌ലിയാരും നിര്‍വഹിച്ചു. കെ. ഉമര്‍ ഫൈസി മുക്കം, മുഹമ്മദ് ബാഖവി വാവാട്, അബ്ദുല്‍ ഖാദര്‍ ബാഖവി, പി. ആലി സംസാരിച്ചു. മന്ത്രി എ.കെ ശശീന്ദ്രന്‍ ഉപഹാരസമര്‍പ്പണം നടത്തി. എ.എം നൗഷാദ് ബാഖവി ചിറയിന്‍കീഴ് മുഖ്യപ്രഭാഷണം നിര്‍വഹിച്ചു.
ഇന്നു നാലിന് വനിതാ സംഗമം ഷറഫുന്നീസ ടീച്ചര്‍ ഉദ്ഘാടനം ചെയ്യും. കെ.വി റംല കരീറ്റിപ്പറമ്പ് ക്ലാസിന് നേതൃത്വം നല്‍കും. അഷ്‌റഫ് റഹ്മാനി കാസര്‍കോട് മുഖ്യപ്രഭാഷണം നടത്തും.