മഞ്ചേരി: കിണറ്റില്‍ വീണ ആടിനെ മഞ്ചേരി അഗ്‌നിശമനസേന രക്ഷപ്പെടുത്തി. മഞ്ചേരി കാരാപറമ്പ് സ്വദേശി വെള്ളിപ്പാടാന്‍ ഫൈസലിന്റെ വീട്ടുമുറ്റത്തെ കിണറ്റിലാണ് അയല്‍വാസി അരിമ്പ്ര കുന്ന് അബ്ദുറഹിമാന്റെ ആട് വീണത്. ഇന്നലെ വൈകിട്ട് ആറോടെയായിരുന്നു സംഭവം. ഫയര്‍മാന്‍ കെ. മുഹമ്മദ് കുട്ടി കിണറ്റിലിറങ്ങി നെറ്റ് ഉപയോഗിച്ചാണ് ആടിനെ പുറത്തെടുത്തത്. സേനാംഗങ്ങളായ പി.ടി ഉമ്മര്‍, നിശാന്തു, മുഹമ്മദ് ഷാഫി, സൈനുല്‍ ആബിദ് എന്നിവരും കൂടെയുണ്ടായിരുന്നു.