അരീക്കോട്: പലചരക്ക് കച്ചവടത്തിന്റെ മറവില്‍ ലഹരി വില്‍പന നടത്തിയ രണ്ടു പേരെ പൊലിസ് അറസ്റ്റ് ചെയ്തു. കുനിയില്‍ കിഴുപറമ്പ് മാരിവീട്ടില്‍ അബ്ദുറഷീദ്, കിഴുപറമ്പ് മച്ചിങ്ങല്‍ വീട്ടില്‍ കിണറ്റിന്‍ കണ്ടി ചോയക്കാട് മുഹമ്മദ് എന്നിവരെയാണ് കഴിഞ്ഞ ദിവസം അരീക്കോട് പൊലിസ് അറസ്റ്റ് ചെയ്തത്.
വിദ്യാര്‍ഥികള്‍ക്കു ലഹരിവസ്തുക്കള്‍ വില്‍പന നടത്തുന്നുവെന്ന രഹസ്യവിവരം പൊലിസിനു ലഭിച്ചിരുന്നു. തുടര്‍ന്ന് എസ്.ഐ കെ. സിനോദിന്റെ നേതൃത്വത്തില്‍ നടത്തിയ അന്വേഷണത്തിലാണ് പ്രതികളെ പലചരക്ക് കടയില്‍നിന്നു പിടികൂടിയത്. ഇരുവരില്‍നിന്നുമായി 80 ഹാന്‍സ് പായ്ക്കറ്റുകള്‍ പിടിച്ചെടുത്തു.