വളപട്ടണം: വളപട്ടണം കൃഷിഭവന്‍ കുത്തിതുറന്ന്  79,450 രൂപയും പാപ്പിനിശ്ശേരി ചുങ്കം തുരുത്തി റോഡില്‍ കെ.സി അബ്ദുല്‍ സലാമിന്റെ പലചരക്കു കടയില്‍ നിന്ന് 30,000 രൂപയും മോഷണം പോയ കേസില്‍ രണ്ടുപേര്‍ പൊലിസ് പിടിയിലായി.
പാപ്പിനിശ്ശേരി തുരുത്തി ഹൗസില്‍ രതീഷി(36)നെ ഞായറാഴ്ച പുലര്‍ച്ചെയാണ് പാപ്പിനിശ്ശേരി റെയില്‍വേ ഗേറ്റിനു സമീപം സംശയാസ്പദമായ നിലയില്‍ വളപട്ടണം എസ്.ഐ ശ്രീജിത്ത് കൊടേരിയും സംഘവും പിടികൂടുന്നത്. ചോദ്യം ചെയ്യലില്‍ പ്രതി കുറ്റം സമ്മതിക്കുകയായിരുന്നു.
കൂട്ടുപ്രതി പാപ്പിനിശ്ശേരി സ്വദേശി മന്‍സൂര്‍ കഴിഞ്ഞ ദിവസം കണ്ണൂര്‍ കോടതിയില്‍ കീഴടങ്ങിയിരുന്നു. പ്രതികളെ കണ്ണൂര്‍ കോടതി റിമാന്‍ഡ് ചെയ്തു.