പഴയങ്ങാടി: പ്രതിഭാ ടാക്കിസിനു സമീപം വിമുക്ത ഭടന്റെ വീട്ടില്‍ മോഷണം. പുതിയവീട്ടില്‍ ജയരാജന്റെ വീട്ടില്‍ നിന്ന് 16 പവന്‍ സ്വര്‍ണാഭരണം മോഷണം പോയി. കഴിഞ്ഞ വെള്ളിയാഴ്ച വീടു പൂട്ടി കാഞ്ഞങ്ങാട് പളളിക്കരയിലെ മകളുടെ വീട്ടില്‍ പോയതായിരുന്നു ജയരാജനും ഭാര്യയും. ഞായറാഴ്ച വീട്ടില്‍ തിരിച്ചെത്തിയപ്പോഴാണ് വീട് കുത്തിത്തുറന്ന നിലയില്‍ കണ്ടത്. വീടിന്റെ രണ്ടാംനിലയിലെ പുറകുവശത്തുളള വാതില്‍ തകര്‍ത്തായിരുന്നു മോഷണം. കിടപ്പു മുറിയിലെ അലമാരയിലാണ് സ്വര്‍ണം സൂക്ഷിച്ചിരുന്നത്. മൂന്ന് കിടപ്പുമുറികളിലെയും അലമാര കുത്തിതുറന്ന് വലിച്ചുവാരിയിട്ട നിലയിലാണ്. പഴയങ്ങാടി പൊലിസ്, വിരലടയാള വിദഗ്ധര്‍, ഡോഗ് സ്‌ക്വാഡ് എന്നിവര്‍ സ്ഥലത്തെത്തി പരിശോധന നടത്തി.