ക്രിക്കറ്റ് ഇന്ത്യയുടെ ഫ്രീക്കന്‍ വിരാട് കോഹ്‌ലി ഗാലറിയില്‍ കയറി വന്നാല്‍ എന്തുചെയ്യും? ഉടനെ ഒരു സെല്‍ഫിയെടുക്കാന്‍ നോക്കുമല്ലേ. ഇന്ത്യ- ന്യൂസിലാന്റ് ടെസ്റ്റ് പരമ്പര നടക്കുന്നതിനിടെ അങ്ങനൊരു സംഭവം നടന്നു.

ഗാലറിയില്‍ 'കോഹ്‌ലി'യെ കണ്ട് ആളുകള്‍ കൂട്ടം കൂടി സെല്‍ഫിയെടുക്കാനും ഷെയ്ക്ക്ഹാന്റ് നല്‍കാനും തിക്കിക്കൂട്ടി. ഇത് ഗാലറിയിലെ ബിഗ് സ്‌ക്രീനില്‍ ലൈവായി കാണിക്കുകയും ചെയ്തു.

എന്നാല്‍ സെല്‍ഫിയെടുക്കുന്നവരെയെല്ലാം ഞെട്ടിക്കുന്നതായിരുന്നു ബിഗ്‌സ്‌ക്രീനിലെ അടുത്ത സീന്‍. വിരാട് കോഹ്‌ലി ഡ്രസിങ് റൂമിലിരുന്ന് പൊട്ടിച്ചിരിക്കുന്നുണ്ട്. അപ്പോഴാണ് തങ്ങളുടെ അടുത്തുള്ള 'കോഹ്‌ലി' യഥാര്‍ഥ കോഹ്‌ലിയല്ലെന്നു തിരിച്ചറിഞ്ഞത്.

കോഹ്‌ലിയെപ്പോലും അമ്പരിപ്പിച്ചു കൊണ്ടാണ് അപരന്‍ ഗാലറിയില്‍ ആരവമുണ്ടാക്കിയെത്തിയത്. അപരനെക്കണ്ട് താരത്തിന് ചിരിയടക്കാനായില്ല. ഇതിന്റെ വീഡിയോ ഇപ്പോള്‍ വൈറലാവുകയാണ്.