ഗവ.ഗേള്‍സ് എച്ച്.എസ്.എസിലെ സ്റ്റാമ്പുകളുടെ പ്രദര്‍ശനം ശ്രദ്ധേയമായി

backup

October 18 2016 | 19:10 PM

%e0%b4%97%e0%b4%b5-%e0%b4%97%e0%b5%87%e0%b4%b3%e0%b5%8d%e2%80%8d%e0%b4%b8%e0%b5%8d-%e0%b4%8e%e0%b4%9a%e0%b5%8d%e0%b4%9a%e0%b5%8d-%e0%b4%8e%e0%b4%b8%e0%b5%8d-%e0%b4%8e%e0%b4%b8%e0%b4%bf%e0%b4%b2

ചേര്‍ത്തല: ദേശീയ പോസ്റ്റല്‍ വീക്കിന്റെ ഭാഗമായി തപാല്‍ വകുപ്പ് ചേര്‍ത്തല ഗവ.ഗേള്‍സ് എച്ച്എസ്എസില്‍ ഫിലാറ്റലിക് സ്റ്റാമ്പുകളുടെ പ്രദര്‍ശന ഉദ്ഘാടനം ആലപ്പുഴ പോസ്റ്റല്‍ സൂപ്രണ്ട് പി.ജി ബാബു നിര്‍വഹിച്ചു.
തപാല്‍ മാര്‍ക്കറ്റിംഗ് എക്‌സിക്യൂട്ടീവ് ടി.പ്രകാശ് എക്‌സിബിഷന് നേതൃത്വം നല്‍കി. സ്റ്റാമ്പ് ശേഖരണത്തില്‍ മൂന്ന് ലോകറെക്കോഡ് ജേതാവും ചേര്‍ത്തല ടൗണ്‍ എല്‍പിഎസ് അധ്യാപകനുമായ അര്‍വിന്ദ് കുമാര്‍പൈ തന്റെ ബന്ധുക്കള്‍ മുഖാന്തിരം കൈവശമുള്ള അപൂര്‍വ ഇന്ത്യന്‍ വിദേശ സ്റ്റാമ്പുകള്‍ പ്രദര്‍ശനത്തിന് വെച്ചു.
ഒരുലക്ഷത്തോളം വിലമതിക്കുന്ന 1948ല്‍ പുറത്തിറങ്ങിയ നാല് ഗാന്ധിയന്‍ ഇന്ത്യന്‍ സ്റ്റാമ്പായിരുന്നു മുഖ്യ കൗതുകം. ജോണ്‍.എം.ടി തന്റെ കൈവശമുള്ള വിദേശ സ്റ്റാമ്പുകളും വിദേശ കറന്‍സികളും പ്രദര്‍ശിപ്പിച്ചു.
അപൂര്‍വങ്ങളായ കൊച്ചി-തിരുവിതാംകൂര്‍ സ്റ്റാമ്പുകള്‍, കേരള തീം സ്റ്റാമ്പുകള്‍ എന്നിവ പ്രദര്‍ശിപ്പിച്ചത് ഡെന്നിസ് ജോര്‍ജാണ്.
ആലപ്പുഴ ഹെഡ്‌പോസ്റ്റ് മാസ്റ്റര്‍ രാജ്‌മോഹന്‍ നെഹ്‌റു ഫാമിലി, സ്വതന്ത്ര ഇന്ത്യയിലെ ആദ്യത്തെ സ്റ്റാമ്പ് എന്നിവ പ്രദര്‍ശിപ്പിച്ച് ശ്രദ്ധേയനായി. പോസ്റ്റല്‍ വീക്കിന്റെ ഭാഗമായി വിവിധ സ്‌കൂളുകളില്‍ നിന്ന് നാലായിരത്തോളം കുട്ടികള്‍ ഈ എക്‌സിബിഷനില്‍ പങ്കെടുത്തു.
വിവിധ സ്‌കൂളുകളില്‍ നിന്നും വന്നകുട്ടികള്‍ ഫിലാറ്റലിക് ഡെപ്പോസിറ്റ് അക്കൗണ്ട് ആരംഭിക്കുകയും ചെയ്തു.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."