പൊന്നാനി: പൊന്നാനി പള്ളിപ്പടിയില്‍ കടവനാടുമായി ബന്ധിപ്പിക്കുന്ന കനോലി കനാലിനു കുറുകെയുള്ള നടപ്പാലം  തകര്‍ന്നു. അപകടത്തില്‍ കടവനാടു സ്വദേശികളായ സ്ത്രീക്കും കുട്ടികള്‍ക്കുമടക്കം 5 പേര്‍ക്കു പരുക്കേറ്റു.
ഇന്നലെ രാവിലെ എട്ടിനാണ് അപകടം. അപകടത്തില്‍ പരുക്കേറ്റവരെ  പ്രാഥമിക ചികില്‍സ നല്‍കിയതിനു ശേഷം വിട്ടയച്ചു. ഒന്നര വര്‍ഷം മുമ്പു രണ്ടു ലക്ഷം രൂപ  ചെലവിലാണ് ഈ പാലം നിര്‍മിച്ചത്. നഗരസഭയിലെ ഇരുപതാം വാര്‍ഡിലാണു പാലം സ്ഥിതി ചെയ്യുന്നത്. നടപ്പാലത്തിലൂടെ നിരന്തരം ഇരുചക്രവാഹനങ്ങള്‍ കടന്നുപോയതാണു പാലം വേഗത്തില്‍ തകരാന്‍  കാരണമെന്നു വാര്‍ഡ് കൗണ്‍സിലര്‍ പറഞ്ഞു. പാലം തകര്‍ന്നതോടെ  ഇരു കരകളിലുള്ളവരെയും  ബന്ധിപ്പിക്കാനായി  നേരത്തേ നിര്‍ത്തിവെച്ച കടത്തുതോണി സര്‍വീസ് പുനരാരംഭിച്ചിട്ടുണ്ട്.