ന്യൂഡല്‍ഹി: ന്യൂസിലന്‍ഡിനെതിരായ രണ്ടാം ഏകദിന പോരാട്ടത്തിലും സുരേഷ് റെയ്‌ന കളിക്കില്ല. പനിയെ തുടര്‍ന്നു ധര്‍മശാലയില്‍ നടന്ന ആദ്യ ഏകദിനത്തില്‍ നിന്നു വിട്ടുനിന്ന റെയ്‌നയെ രണ്ടാം മത്സരത്തിനുള്ള ടീമിലേക്കും പരിഗണിക്കില്ല. പനി പൂര്‍ണമായും മാറാത്തതാണ് താരത്തിനു തിരിച്ചടിയായത്. റെയ്‌നയ്ക്കു പകരം മറ്റൊരാളെ ടീമിലേക്ക് പരിഗണിക്കില്ലെന്നു ബി.സി.സി.ഐ വ്യക്തമാക്കി. ഇന്നലെ റെയ്‌ന പരിശീലനത്തിനിറങ്ങിയിരുന്നു.