ഇരിട്ടി: ആറളം ഫാം വളയം ചാലില്‍ ലക്ഷങ്ങള്‍ വിലമതിക്കുന്ന പവര്‍ ടില്ലര്‍ ഉപേക്ഷിക്കപ്പെട്ട നിലയില്‍ നശിക്കുന്നു.
സര്‍ക്കാര്‍ സംരംഭമായ നിര്‍മിതി കേന്ദ്രം വാങ്ങിയതും പിന്നാക്ക ക്ഷേമ വികസന വകുപ്പ് സൂക്ഷിക്കേണ്ടണ്ടതുമായ പവര്‍ ടില്ലറാണ് വെയിലും മഴയുമേറ്റു നശിക്കുന്നത്.
കൃഷി ആവശ്യത്തിനു നിലം ഉഴുതുമറിക്കാനും ചെങ്കല്‍ പണയില്‍ ചെങ്കല്ലു കൊത്താനും സാധിക്കുന്ന ടില്ലറാണിത്. 2006ല്‍ നിര്‍മിതി കേന്ദ്രം വിവിധ ആവശ്യങ്ങള്‍ക്കായി വാങ്ങിയ ടില്ലറുകളിലൊന്നാണു നശിക്കുന്നത്.
വളയം ചാലില്‍ മാവോയിസ്റ്റ് സുരക്ഷക്കായി നിയോഗിച്ച പൊലിസ് ചെക്ക് പോസ്റ്റിലെ ഉദ്യോഗസ്ഥര്‍ ടില്ലര്‍ ആസ്ബറ്റോസ് കൊണ്ടണ്ടു മൂടി സംരക്ഷിക്കുകയാണ് ഇപ്പോള്‍ ചെയ്യുന്നത്.