പേരാമ്പ്ര: നൊച്ചാട് പ്രദേശത്ത് അലഞ്ഞുതിരിഞ്ഞു നടക്കുന്ന മാനസിക രോഗിയായ യുവാവിനു പുതുവസ്ത്രങ്ങള്‍ നല്‍കി സ്‌കൂള്‍ വിദ്യാര്‍ഥികള്‍ മാതൃകയായി. നൊച്ചാട് എ.എല്‍.പി സ്‌കൂള്‍ വിദ്യാര്‍ഥികളാണു തങ്ങള്‍ ശേഖരിച്ച തുക ഉപയോഗിച്ചു വസ്ത്രം വാങ്ങിനല്‍കിയത്.
നേരത്തെ ടൗണില്‍ ഭിക്ഷാടനം നടത്തുന്നവര്‍ക്കു പൊതിച്ചോറുകള്‍ നല്‍കിയും ഓട്ടിസം ബാധിച്ച കുട്ടിയെ ദത്തെടുത്തും നിര്‍ധന രോഗികള്‍ക്കു ചികിത്സാ സഹായം നല്‍കിയും സ്‌കൂളിലെ വിദ്യാര്‍ഥികള്‍ ജീവകാരുണ്യരംഗത്ത് ഇടപെടല്‍ നടത്തിയിരുന്നു.
വസ്ത്ര വിതരണം ഹെഡ്മിസ്ട്രസ് എ.സി റീന നിര്‍വഹിച്ചു. കെ.സി ജിതേഷ്, സി.കെ അജീഷ്, ഇ.പി ബിന്ദു കല, പി. ഷീബ, വികാസ് മരുതോളി നേതൃത്വം നല്‍കി.