അതിരമ്പുഴ : എം.ജി സര്‍വകലാശാലയിലെ മികച്ച ജീവനക്കാര്‍ക്കുള്ള ശേഖരന്‍ നയര്‍ പുരസ്‌കാരം സെക്ഷന്‍ ഓഫിസര്‍ ടി.വി സനല്‍കുമാര്‍, അസിസ്റ്റന്റ് സെക്ഷന്‍ ഓഫിസര്‍ എ രാജീവ് എന്നിവര്‍ക്കു വൈസ് ചാന്‍സലര്‍ ഡോ. ബാബു സെബാസ്റ്റ്യന്‍ വിതരണം ചെയ്തു.
അസംബ്ലി ഹാളില്‍ നടന്ന ചടങ്ങില്‍ പ്രൊ. വൈസ് ചാന്‍സലര്‍ ഡോ. ഷീന ഷുക്കൂര്‍ അധ്യക്ഷനായിരുന്നു.
രജിസ്ട്രാര്‍ എം.ആര്‍ ഉണ്ണി, സിന്‍ഡിക്കേറ്റംഗം കെ ഷെറഫുദ്ദീന്‍, പരീക്ഷാ കണ്‍ട്രോളര്‍ തോമസ് ജോണ്‍ മാമ്പറ, ഫിനാന്‍സ് ഓഫീസര്‍ ഏബ്രഹാം ജെ. പുതുമന, സെനറ്റംഗം പത്മകുമാര്‍, വിവിധ സര്‍വീസ് സംഘടനാ നേതാക്കള്‍, പി.ആര്‍.ഒയുടെ ചുമതല വഹിക്കുന്ന എം.സി സണ്ണി എന്നിവര്‍ സംസാരിച്ചു.