കൂട്ടിലങ്ങാടി: കോഴിക്കോട് - പാലക്കാട് ദേശീയ പാതയില്‍ കൂട്ടിലങ്ങാടി കീരംകണ്ടിലും മലപ്പുറം കാവുങ്ങല്‍ ബൈപ്പാസിലുമായി രണ്ടു വാഹനാപകടങ്ങളില്‍ ഒരു കാര്‍ യാത്രികനു പരുക്കേറ്റു.
കാവുങ്ങല്‍ ബൈപ്പാസില്‍ ഉച്ചക്ക് ഒന്നരയോടെ നിയന്ത്രണം വിട്ട കാര്‍ മറിഞ്ഞാണ് അപകടം.
കാവുങ്ങല്‍ ഭാഗത്തു നിന്നു മുണ്ടുപറമ്പിലേക്ക് വരുന്നതിനിടയില്‍ കാര്‍ നിയന്ത്രണം തെറ്റി മറിയുകയായിരുന്നു. കാര്‍ ഡ്രൈവര്‍ അത്ഭുതകരമായി രക്ഷപ്പെട്ടു. മലപ്പുറം പൊലിസ് അപകട സ്ഥലം പരിശോധിച്ചു. കൂട്ടിലങ്ങാടി കീരംകുണ്ടില്‍ ഉച്ചക്ക് രണ്ടരയോടെ പെട്രോള്‍ ബാങ്കിനു സമീപം നിയന്ത്രണം വിട്ട കാര്‍ മതിലിലിടിച്ചു.
കാര്‍ ഡ്രൈവര്‍ വടക്കാങ്ങര സ്വദേശിയെ പരുക്കുകളോടെ പെരിന്തല്‍മണ്ണയിലെ സ്വകാര്യ ആശുപത്രിയില്‍ പ്രവേശിപ്പിച്ചു.