കൂത്തുപറമ്പ്: പാതിരിയാട് സി.പി.എം. പ്രവര്‍ത്തകരുടെ വീടുകളില്‍ പൊലിസ് അതിക്രമം കാട്ടിയതായി പരാതി. പാതിരിയാട് എം.ഒ.പി വായനശാലയ്ക്കു സമീപം ചിറ്റാക്കണ്ടി ജാനു, കെ അശോകന്‍ എന്നിവരുടെ വീടുകളിലാണ് കൂത്തുപറമ്പ് പൊലിസ് അതിക്രമം കാട്ടിയത്.
പുലര്‍ച്ചെ അഞ്ചോടെയായിരുന്നു സംഭവം. ജാനുവിന്റെ മകന്‍ സി.പി.എം പ്രവര്‍ത്തകനായ അനീഷിനെ അന്വേഷിച്ചെത്തിയ പൊലിസ് വീടിന്റെ ജനല്‍ ചില്ലും വാതിലും തകര്‍ത്തു. അശോകന്റെ വീട്ടിലെ ചെടിച്ചെട്ടികളും കൃഷികളും നശിപ്പിച്ചതായും ഭാര്യ ഷീബയെ ഭീഷണിപ്പെടുത്തിയതായും പരാതിയുണ്ട്. അക്രമത്തിനിരയായ വീടുകള്‍ സി.പി.എം. നേതാക്കളായ കെ മനോഹരന്‍, പി ബാലന്‍, കെ മധുസൂദനന്‍ സന്ദര്‍ശിച്ചു.