ചങ്ങരംകുളം: കോള്‍ മേഖലയില്‍ വ്യാപകമായി അറവ് മാലിന്യവും പ്ലാസ്റ്റിക് മാലിന്യവും തള്ളുന്നതു കൃഷിയെ ബാധിക്കുമെന്നു കര്‍ഷകര്‍.
ചെറവല്ലൂരിലും മറ്റും കായലില്‍ മാലിന്യം തള്ളുന്നതു പതിവാണ്. ദുര്‍ഗന്ധംമൂലം മാലിന്യം തള്ളിയ പ്രദേശത്ത് ജോലി ചെയ്യാന്‍ തൊഴിലാളികളും വിസമ്മതിക്കുകയാണ്.
രാത്രി കാലങ്ങളിലാണ് സാമൂഹ്യവിരുദ്ധര്‍ പതിവായി മാലിന്യം തള്ളുന്നത്.
ഇതോടെ വിവിധ സംഘനകള്‍ പ്രതിഷേധവുമായി രംഗത്തെത്തിയിട്ടുണ്ട്. പ്രദേശത്ത് നാട്ടുകാര്‍ കാവല്‍ ഏര്‍പ്പെടുത്തിയതോടെ താല്‍ക്കാലികമായി മാലിന്യം തള്ളുന്നതിനു കുറവ് വന്നിട്ടുണ്ട്. രാത്രി കാലങ്ങളില്‍ പൊലിസ് പട്രോളിങ് ശക്തമാക്കണമെന്നു നാട്ടുകാര്‍ ആവശ്യപ്പെട്ടു.