കോഴിക്കോട്: റെയില്‍വേ സ്റ്റഷന്‍ റോഡില്‍ കഞ്ചാവ് വില്‍പന നടത്തുന്ന യുവാവിനെ എക്‌സൈസ് പിടികൂടി. കോഴിക്കോട് പന്നിയങ്കര പി.പി ഹൗസില്‍ മുജീബ് (40) ആണ് പിടിയിലായത്. ഇയാളില്‍ നിന്ന് 110 ഗ്രാം കഞ്ചാവ് പിടിച്ചെടുത്തു. മാനാഞ്ചിറ എസ്.ബി.ഐക്ക് സമീപത്തെ മൂത്രപ്പുര കേന്ദ്രീകരിച്ചാണ് ഇയാള്‍ പതിവായി കഞ്ചാവ് വില്‍പ്പന നടത്തുന്നത്. കോടതിയില്‍ ഹാജരാക്കിയ ഇയാളെ റിമാന്റ് ചെയ്തു.
എക്‌സൈസ് ഇന്‍സ്‌പെക്ടര്‍ ശരത്ബാബു, അസി. എക്‌സൈസ് ഇന്‍സ്‌പെക്ടര്‍മാരായ സാന്റല്‍ സെബാസ്റ്റ്യന്‍, എം. ബഷീര്‍, പ്രിവന്റീവ് ഓഫിസര്‍മാരായ ടി. രമേഷ്, സിവില്‍ എക്‌സൈസ് ഓഫിസര്‍മാരായ ഹാരിസ്, രശ്മി, റിഷിത് കുമാര്‍, എഡിസണ്‍ എന്നിവരടങ്ങിയ സംഘമാണ് പ്രതിയെ പിടികൂടിയത്.