മഞ്ചേരി: ബി.പി.എല്‍ ഉടമകളുടെ സൗജന്യ അരി വെട്ടികുറച്ചതിലും എ.പി.എല്ലുകാരുടെ അരി നിര്‍ത്തലാക്കിയതിലും പ്രതിഷേധിച്ച് മഞ്ചേരി മണ്ഡലം യൂത്ത് കോണ്‍ഗ്രസ് കഞ്ഞി പാകം ചെയ്ത് പ്രതിഷേധിച്ചു. മഞ്ചേരി മിനി സിവില്‍ സ്റ്റേഷന്‍ പരിസരത്ത് ഇന്നലെ രാവിലെ 11മണിയോടെയായിരുന്നു പ്രതിഷേധ കഞ്ഞി വെച്ചുനല്‍കല്‍ സമരം. റേഷന്‍ കാര്‍ഡിലെ അപാകതകള്‍ പരിഹരിക്കാന്‍ മിനി സിവില്‍ സറ്റേഷനില്‍ എത്തിയ സ്ത്രീകള്‍ ഉള്‍പ്പെടെയുള്ളവര്‍ക്കു കഞ്ഞി വിതരണം ചെയ്തു. മുനിസിപ്പല്‍ വൈസ് ചെയര്‍മാന്‍ വി.പി ഫിറോസ് ഉദ്ഘാടനം ചെയ്തു. മണ്ഡലം പ്രസിഡന്റ് അക്ബര്‍ മീനായ് അധ്യക്ഷനായി. പി.ആര്‍ രോഹില്‍നാഥ്, കൗണ്‍സിലര്‍ സിക്കന്തര്‍ ഹയാത്ത്, കളത്തില്‍ സജാദ്, ഫാസില്‍ പറമ്പന്‍, ഷബീര്‍കുരിക്കള്‍,മഹ്‌റൂഫ് പട്ടര്‍കുളം, ഫൈസല്‍ പാലായി, ബ്ലോക്ക് കോണ്‍ഗ്രസ് ഭാരവാഹികളായ മാടായി മാനു, ബാബു കാരശ്ശേരി, കെ.യൂസുഫ്, നാണിപ്പ മംഗലശ്ശേരി, വിജയന്‍ കോവിലകംകുണ്ട്, കെ.ദേവദാസ്, ബിനു ബാഷിദ്, ഫൈസല്‍ചുങ്കത്ത് സംസാരിച്ചു.