കടുങ്ങപുരം: കായികാവശ്യങ്ങള്‍ക്കെത്തുന്നവര്‍ സ്‌കൂള്‍ സാമഗ്രികള്‍ നശിപ്പിക്കുന്നതായി ആക്ഷേപം. കടുങ്ങപുരം ചൊവ്വാണ ഗവ. എല്‍.പി സ്‌കൂളിലെ കുടിവെള്ള പൈപ്പുകള്‍, ടോയ്‌ലറ്റ്, ഗെയ്റ്റ് തുടങ്ങിയ സൗകര്യങ്ങളാണ് സാമൂഹ്യ ദ്രോഹികള്‍ കൈയേറി നശിപ്പിക്കുന്നതതായി പരാതിയുള്ളത്. സ്‌പോര്‍ട്‌സ് കൗണ്‍സില്‍ സ്‌കൂളിനായി നല്‍കിയ ഗ്രൗണ്ടില്‍ നൂറു കണക്കിനു പേര്‍ ദിനം പ്രതി കായികാവശ്യങ്ങള്‍ക്കെന്ന പേരില്‍ എത്തുന്നതിന്റെ മറവിലാണ് സ്‌കൂള്‍ വക സാമഗ്രികള്‍ കേടുവരുത്തുന്നത്.
രാത്രി വൈകിയും ഗ്രൗണ്ടില്‍ കൂടുതല്‍ പേര്‍ തങ്ങുന്നതും പതിവാണ്. ഇരുട്ടിന്റെ മറവില്‍ ലഹരി പദാര്‍ഥങ്ങളുടെ വിപണനവും മറ്റും നടക്കുന്നതായി നാട്ടുകാര്‍ ആരോപിച്ചു. ഇതിനെതിരെ സ്‌കൂള്‍ പി.ടി.എ ഭാരവാഹികളുടെ യോഗം ചേര്‍ന്നു ശക്തിയായി പ്രതിഷേധിച്ചു.