കുമ്പള: ഇമാം ശാഫി അക്കാദമിയില്‍ സ്ത്രീ ശാക്തീകരണ രംഗത്ത് ഇസ്‌ലാമിക ചുറ്റുപാടിലുള്ള ഷീ കാംപസ് ഒരുങ്ങുന്നു. അത്യാധുനിക സൗകര്യങ്ങളോടെ ഒരുങ്ങുന്ന പുതിയ കാംപസിന്റെ ശിലാസ്ഥാപനം പാണക്കാട് മുനവ്വറലി ശിഹാബ് തങ്ങള്‍  നിര്‍വഹിച്ചു.
എസ്.എസ്.എല്‍.സിക്ക് ശേഷം പ്ലസ് ടു, ഡിഗ്രി എന്നിവയോടൊപ്പം ചിട്ടയൊത്ത മതപഠനവും പ്രായോഗിക പരിശീലനവും ഗൃഹശാസ്ത്രവും കൂടി സമന്വയിപ്പിച്ച അഞ്ചു വര്‍ഷത്തെ കോഴ്‌സാണ് അക്കാദമി വനിതകള്‍ക്കായി വിഭാവനം ചെയ്യുന്നത്. ചടങ്ങില്‍ അക്കാദമി ചയര്‍മാന്‍ എം.എ ഖാസിം മുസലിയാര്‍ അധ്യക്ഷനായി. പൂക്കോയ തങ്ങള്‍ ചന്തേര പ്രാര്‍ഥനക്കും സൈനുല്‍ ആബിദീന്‍ തങ്ങള്‍ കുന്നുങ്കൈ മജ്‌ലിസുന്നൂറിനും നേതൃത്വം നല്‍കി. കീച്ചേരി അബ്ദുല്‍ ഗഫൂര്‍ മൗലവി മുഖ്യപ്രഭാഷണം നടത്തി. അക്കാദമി വിദ്യാര്‍ഥിനികള്‍ പ്രസിദ്ധീകരിച്ച ഷീ- ബുള്ളറ്റിന്‍ ചെര്‍ക്കളം അബ്ദുല്ല പ്രകാശനം ചെയ്തു. ഡോ. ഫസല്‍ റഹ്മാന്‍ ഫണ്ട് ഉദ്ഘാടനവും നിര്‍വ്വഹിച്ചു.
സമസ്ത ജില്ലാ സെക്രട്ടറി യു.എം അബ്ദുറഹിമാന്‍ മുൃസലിയാര്‍, ഖാസി പയ്യക്കി അബ്ദുല്‍ ഖാദിര്‍ മുസലിയാര്‍, ഖാസി മദനി തങ്ങള്‍. പി.ബി അബ്ദുറസാഖ് എം.എല്‍.എ,  മുക്രി ഇബ്രാഹിം ഹാജി,  ഹാജി.കെ മുഹമ്മദ് അറബി കുമ്പള, അബ്ദുല്‍ ഖാദിര്‍ ഹാജി മൊഗ്രാല്‍,  സി.ടി അഹമ്മദലി,  ബി.കെ അബ്ദുല്‍ ഖാദിര്‍ ഖാസിമി, എംപി മുഹമ്മദ് സഅദി, കെ.എല്‍ അബ്ദുല്‍ ഖാദിര്‍ ഖാസിമി, സയ്യിദ് ഹാദി തങ്ങള്‍, പാത്തൂര്‍ അഹമദ് മുസലിയാര്‍, മീപ്പിരി ശാഫി ഹാജി, മൂസഹാജി കൊടിയമ്മ, എസ്.ബി മുഹമ്മദ് ദാരിമി, കെ.ആര്‍ ഹുസെന്‍ ദാരിമി, മജീദ് ദാരിമി, ഹാരിസ് ദാരിമി ബെദിര, സയ്യിദ് സൈഫുള്ള തങ്ങള്‍ ഉദ്യാവര്‍, എ.കെ.എം അശ്‌റഫ്, ശാഹുല്‍ ഹമീദ് ബന്ദിയോട്, എ.എം ഉമറുല്‍ ഖാസിമി, അന്‍വര്‍ ഹുദവി, ശമീര്‍ വാഫി, അബൂബക്കര്‍ സാലൂദ് നിസാമി, ആര്‍,കെ അബ്ദുല്ല ഹാജി,  അബുല്‍ അക്‌റം മുഹമ്മദ് ബാഖവി, സ്വാലിഹ് മുസ്ലിയാര്‍ ചൗക്കി, എന്‍.കെ അബ്ദുല്ല മൗലവി,  സലാം ഫൈസി പേരാല്‍, സുബൈര്‍ നിസാമി സംസാരിച്ചു.