പാലക്കാട്: 1995 ജനുവരി ഒന്നിനും 2016 സെപ്റ്റംബര്‍ 30നുമിടയില്‍ എംപ്ലോയ്‌മെന്റ് രജിസ്‌ട്രേഷന്‍ പുതുക്കാന്‍ കഴിയാതിരുന്നവര്‍ക്കും  എംപ്ലോയ്‌മെന്റ് എക്‌സ്‌ചേഞ്ച് വഴി ജോലി ലഭിച്ച്  ഗ്രേസ് പിരിയഡ്  അവസാനിച്ചവര്‍ക്കും സീനിയോറിറ്റി പുനഃസ്ഥാപിച്ചു നല്‍കും. രജിസ്‌ട്രേഷന്‍ കാര്‍ഡില്‍ പുതുക്കേണ്ട  സമയം 1994 ഒക്ടോബര്‍  മുതല്‍ 2016 ജൂലൈ വരെയുള്ളവര്‍ക്കാണ് അവസരം.
    രജിസ്‌ട്രേഷന്‍ കാര്‍ഡും സര്‍ട്ടിഫിക്കറ്റുകളുമായി അവസാനം രജിസ്‌ട്രേഷന്‍ ചെയ്ത എംപ്ലോയ്‌മെന്റ് എക്‌സ്‌ചേഞ്ചില്‍ 2016 ഒക്‌ടോബര്‍ 31 വരെ അപേക്ഷിക്കാം. എംപ്ലോയ്‌മെന്റ് എക്‌സ്‌ചേഞ്ച് മുഖേനയല്ലാതെ സ്വകാര്യമേഖലയില്‍ ജോലി ചെയ്ത 2009 ഫെബ്രുവരി 17ന് ശേഷം വിടുതല്‍ ചെയ്തിട്ടുള്ളവര്‍ക്ക്  ലേബര്‍ ഓഫീസറോ ഫാക്ടറി ഇന്‍സ്‌പെക്ടറോ സാക്ഷ്യപ്പെടുത്തിയ സര്‍ട്ടിഫിക്കറ്റുകളുമായി രജിസ്‌ട്രേഷന്‍ നടത്തി സീനിയോറിറ്റി പുനഃസ്ഥാപിക്കാം.