പടിഞ്ഞാറത്തറ: നവംബറില്‍ കോഴിക്കോട് നടക്കുന്ന യൂത്ത് ലീഗ് സംസ്ഥാന സമ്മേളനത്തിന്റെയും പേരാല്‍ ശാഖ മുസ്‌ലിം ലീഗ് ഓഫിസ് നിര്‍മാണ ഫണ്ട് ശേഖരണത്തിന്റെയും പ്രചാരണാര്‍ഥം പേരാല്‍ ശാഖ മുസ്‌ലിം യൂത്ത് ലീഗ് കമ്മിറ്റിയുടെ ആഭിമുഖ്യത്തില്‍ വോളിബോള്‍ ടൂര്‍ണമെന്റ് നടത്തി. യൂത്ത് ലീഗ് ജില്ലാ ട്രഷറര്‍ ഹാരിസ് പടിഞ്ഞാറത്തറ ഉദ്ഘാടനം ചെയ്തു.
ശാഖാ പ്രസിഡന്റ് പി.കെ ശംസുദ്ദീന്‍ അധ്യക്ഷനായി. ഗ്രാമപഞ്ചായത്ത് മെമ്പര്‍മാരായ സി.ഇ ഹാരിസ്, ആസിയ ചേരാപുരം, ഉഷ വര്‍ഗീസ്, കളത്തില്‍ മമ്മൂട്ടി, സി.കെ അബദുല്‍ ഗഫൂര്‍, സി.കെ നവാസ് സംസാരിച്ചു. ബ്ലാസ്റ്റേഴ്‌സ് പേരാല്‍, വോളി ടീം ഞേര്‍ലേരി, വോളി അക്കാദമി കല്ലൂര്‍, കല്ലേരി വോളിം ടീം പടിഞ്ഞാറത്തര, ബാസ്‌ക് പുലിക്കാട്, യുവശക്തി കോട്ടത്തറ തുടങ്ങിയ ടീമുകള്‍ മത്സരത്തില്‍ മാറ്റുരച്ചു.  ബ്ലാസ്റ്റേഴ്‌സ് പേരാലിനെ പരാജയപ്പെടുത്തി വോളിടീം ഞേര്‍ലേരി ചാംപ്യന്മാരായി. ജേതാക്കള്‍ക്ക് പി.കെ അബൂബക്കര്‍, ശിഹാബ് കടവണ്ടി, മുസ്തഫ, കെ മൊയ്തു, സി.കെ മമ്മൂട്ടി, ജാഫര്‍ എന്നിവര്‍ ട്രോഫികള്‍ വിതരണം ചെയ്തു.