തേഞ്ഞിപ്പലം: സംസ്ഥാനത്ത് ഔഷധ സസ്യബോര്‍ഡിന്റെ ധനസഹായത്തോടെ കോട്ടക്കല്‍ ആര്യവൈദ്യശാലാ ഔഷധ സസ്യ ഗവേഷണ കേന്ദ്രം മലപ്പുറം, പാലക്കാട് ജില്ലകളില്‍ നടപ്പിലാക്കിവരുന്ന വിദ്യാലയങ്ങളില്‍ ഔഷധോദ്യാനം പദ്ധതിയ്ക്ക ചേളാരി ജി.വി.എച്ച്.എസ് സ്‌കൂളില്‍ തുടക്കമായി.
തേഞ്ഞിപ്പലം ഗ്രാമപഞ്ചായത്ത് പ്രസിഡന്റ് സഫിയ റസാഖ് തോട്ടത്തില്‍ ഉദ്ഘാടനം ചെയ്തു.
സ്‌കൂള്‍ പി.ടി.എ പ്രസിഡന്റ് കെ ഗോവിന്ദന്‍കുട്ടി അധ്യക്ഷനായി. ഔഷധ സസ്യഗവേഷണ കേന്ദ്രം സീനിയര്‍ സയന്റിസ്റ്റും പ്രിന്‍സിപ്പല്‍ ഇന്‍വെസ്റ്റിഗേറ്ററുമായ ഡോ. കെ.എം പ്രഭുകുമാര്‍, എകസ്റ്റന്‍ഷന്‍ സയന്റിസ്റ്റ് മഹേഷ്‌കുമാര്‍, ഹൈസ്‌ക്കൂള്‍ പ്രധാനാധ്യാപിക കെ.ടി വൃന്ദകുമാരി, എ.വി ബിന്ദു, നാരായണന്‍കുട്ടി, മിനിമോള്‍, ജെ.ആര്‍.സി കൗണ്‍സിലര്‍ പി.ജെ സണ്ണി സംസാരിച്ചു.