കൊടുവള്ളി: നഗരസഭാ വികസന സെമിനാര്‍ അധ്യക്ഷ ശരീഫാ കണ്ണാടിപ്പൊയില്‍ ഉദ്ഘാടനം ചെയ്തു. ഉപാധ്യക്ഷന്‍ എ.പി മജീദ് മാസ്റ്റര്‍ അധ്യക്ഷനായി.
ജില്ലാ ടൗണ്‍ പ്ലാനിങ് മുഖേന 2035 വരെ വിവിധ മേഖലകളില്‍ നടപ്പിലാക്കേണ്ട പദ്ധതികളുടേയും പൈതൃക സംരക്ഷണത്തിന്റേയും നഗരാസൂത്രണത്തിന്റേയും സമഗ്ര മാസ്റ്റര്‍ പ്ലാന്‍ തയാറാക്കുന്നതിന്റെ ഭാഗമായാണ് സെമിനാര്‍ സംഘടിപ്പിച്ചത്.
സ്ഥിരംസമിതി അധ്യക്ഷന്‍മാരായ കെ.ശിവദാസന്‍, റസിയാ ഇബ്രാഹിം, കെ.ബാബു, വി.സി നൂര്‍ജഹാന്‍, ബിന്ദു അനില്‍കുമാര്‍ സംസാരിച്ചു. ആസൂത്രണ ബോര്‍ഡ് ഉദ്യോഗസ്ഥന്‍മാരായ അബ്ദുല്‍ മാലിക്, ആതിര രവി, റിജേഷ്, ഹെല്‍ത്ത് ഇന്‍സ്‌പെക്ടര്‍ മുഹമ്മദലി അഷ്‌റഫ് ക്ലാസെടുത്തു.
നഗരസഭാ സെക്രട്ടറി വി.ബാബു പ്രസാദ് സ്വാഗതവും എ.വി.മുഹമ്മദ് നന്ദിയും പറഞ്ഞു.