അടിവാട്: അല്‍ അമല്‍ ഹജ്ജ് ഉംറ സര്‍വീസിന്റെ ആഭിമുഖ്യത്തില്‍ ഈ വര്‍ഷത്തെ ഹജ്ജ് കര്‍മം കഴിഞ്ഞ് തിരിച്ചെത്തിയ ഹാജിമാരുടെ സംഗമവും ഹജ്ജ് ബുക്കിങ് ഉദ്ഘാടനവും നടന്നു. മാലിക്ദീനാര്‍ ദഅ്‌വാ സെന്ററില്‍ പി.കെ യൂസഫ് ഹാജിയുടെ അധ്യക്ഷതയില്‍ നടന്ന പരിപാടി ഡി.കെ.ജെ.യു സംസ്ഥാന വൈസ് പ്രസിഡന്റ് വി.എച്ച് മുഹമ്മദ് മൗലവി ഉദ്ഘാടനം ചെയ്തു. ജാമിയ ബദ്‌രിയ പ്രിന്‍സിപ്പല്‍ മുഹമ്മദ് തൗഫീഖ് മൗലവി, അബ്ദുല്‍ ഷുക്കൂര്‍ ഫൈസി തളിപ്പറമ്പ്, എ.പി മുഹമ്മദ്, റ്റി.കെ ഇബ്രാഹിം മൗലവി, സിദ്ധീഖ് റഹ്മാനി, മജീദ് മുസ്‌ലിയാര്‍, കെ.എം മുഹമ്മദ് ഹാജി, നവാസ് മമ്പാട്, എന്‍.പി ഷാജഹാന്‍, വി.എം അബൂബക്കര്‍ മൗലവി, ഇ.എം അലിയാര്‍ മൗലവി എന്നിവര്‍ പ്രസംഗിച്ചു.
ഹജ്ജ് ബുക്കിങ് ഉദ്ഘാടനം അസി കാവാട്ട്, ഇബ്രാഹിം വെട്ടര്‍കുന്നേല്‍ എന്നിവരില്‍ നിന്നും പാസ്‌പോര്‍ട്ട് സ്വീകരിച്ച് പാനിപ്ര ഖാലിദ് ഉസ്താദ് നിര്‍വഹിച്ചു. ഇ.എം മുഹമ്മദ് മുനീര്‍ സഖാഫി നന്ദി പറഞ്ഞു.