കൊല്ലം: ശ്രീനാരായണ ഗുരുവിന്റെ നമുക്ക് ജാതിയില്ലാ വിളംബരത്തിന്റെ ശതാബ്ദി ആഘോഷങ്ങളുടെ ജില്ലാതല പരിപാടികള്‍ക്കു മുന്നോടിയായി സംഘടിപ്പിക്കുന്ന ബുള്ളറ്റ് റാലി നാളെ കൊല്ലത്തു നടക്കും.
ഉച്ചകഴിഞ്ഞ് മൂന്നിന് കലക്ടറേറ്റില്‍നിന്ന് ആരംഭിക്കുന്ന റാലി ജില്ലാ കലക്ടര്‍ മിത്ര .ടി ഫ്‌ളാഗ് ഓഫ് ചെയ്യും.സിറ്റി പൊലിസ് കമ്മിഷണര്‍ സതീഷ് ബിനോ നയിക്കുന്ന റാലി നഗരംചുറ്റി കൊല്ലം ബീച്ചില്‍ സമാപിക്കും. ജില്ലാ ബുള്ളറ്റ് യൂസേഴ്‌സ്(റോയല്‍ എന്‍ഫീല്‍ഡ്) ക്ലബ് അംഗങ്ങള്‍ക്കൊപ്പം പൊലിസ്, ഫയര്‍ ഫോഴ്‌സ്, എക്‌സൈസ് വകുപ്പുകളിലെ ഉദ്യോഗസ്ഥരും അണിനിരക്കും. നമുക്ക് ജാതിയില്ലാ വിളംബരത്തിന്റെ സന്ദശം പുതിയ തലമുറയ്ക്ക് പകര്‍ന്നുനല്‍കുന്നതിന് ലക്ഷ്യമിട്ടാണ്
റാലി സംഘടിപ്പിച്ചിരിക്കുന്നതെന്ന് ആഘോഷ പരിപാടികളുടെ സംഘാടകസമിതി ചെയര്‍പേഴ്‌സണായ ജില്ലാ കലക്ടര്‍ മിത്ര ടിയും കണ്‍വീനറും ലൈബ്രറി കൗണ്‍സില്‍ പ്രസിഡന്റുമായ ഡോ. പി.കെ ഗോപനും അറിയിച്ചു.
ജില്ലാ ഭരണകൂടം, ഇന്‍ഫര്‍മേഷന്‍പബ്ലിക് റിലേഷന്‍സ് വകുപ്പ്, ജില്ലാ ലൈബ്രറി കൗണ്‍സില്‍, വിവിധ സര്‍ക്കാര്‍ വകുപ്പുകള്‍ തുടങ്ങിയവയുടെ നേതൃത്വത്തിലാണ് നമുക്ക് ജാതിയില്ലാ വിളംബരത്തിന്റെ ശതാബ്ദിയാഘോഷങ്ങള്‍ ജില്ലയില്‍ സംഘടിപ്പിച്ചിരിക്കുന്നത്.