ശ്രീനഗര്‍: പാകിസ്താനിലും അഫ്ഗാനിസ്താനിലും വിദ്യാഭ്യാസ സ്ഥാപനങ്ങള്‍ക്കു നേരെ താലിബാന്‍ നടത്തുന്ന ആക്രമണങ്ങള്‍ മാതൃകയാക്കി കശ്മിര്‍ തീവ്രവാദികളും. കഴിഞ്ഞ മൂന്നു മാസത്തിനിടെ 17 സര്‍ക്കാര്‍ സ്‌കൂളുകളും മൂന്ന് സ്വകാര്യ സ്‌കൂളുകളും അക്രമികള്‍ തകര്‍ത്തു.
സ്‌കൂള്‍ കെട്ടിടങ്ങള്‍ പിന്നീട് തുറന്ന് പ്രവൃത്തിക്കാന്‍ സാധിക്കാത്ത തരത്തില്‍ നശിപ്പിക്കുകയാണ് ഇവര്‍ ചെയ്യുന്നത്.
ഹിസ്ബുള്‍ കമാന്‍ഡര്‍ ബുര്‍ഹാന്‍ വാനിയുടെ മരണത്തെ തുടര്‍ന്ന് ജൂലൈ എട്ടു മുതല്‍ താഴ്‌വരയിലെ സ്‌കൂളുകള്‍ അടഞ്ഞുകിടക്കുകയാണ്. രണ്ടു ദശലക്ഷം കുട്ടികളുടെ വിദ്യാഭ്യാസമാണ് ഇതുമൂലം മുടങ്ങിയിരിക്കുന്നത്.