ഫറോക്ക്:  സുന്നി ബാലവേദി ഫറോക്ക് റെയ്ഞ്ച് ഡെലിഗേറ്റ് മീറ്റ് ഇന്ന് രാവിലെ 9.30  ന് കോടമ്പുഴ ഹിദായത്തുല്‍ ഇസ്്‌ലാം മദ്‌റസയില്‍ നടക്കും. റെയ്ഞ്ചിലെ 27  മദ്‌റസകളിലെ പ്രസിഡന്റ്, സെക്രട്ടറി, ട്രഷറര്‍, കൗണ്‍സിലര്‍മാര്‍,  കണ്‍വീനര്‍മാര്‍ തുടങ്ങിയ പ്രതിനിധികളാണ് മീറ്റില്‍ പങ്കെടുക്കുന്നത്. വി.പി  അബ്ദുല്‍ ലത്തീഫ് ദാരിമി പ്രാര്‍ഥന നടത്തും. പി ഹസൈനാര്‍ ഫൈസി  അധ്യക്ഷനാവും. എസ്.കെ.എസ്.എസ.്എഫ് ജില്ലാ പ്രസിഡന്റ് സയ്യിദ് മുബശ്ശിര്‍ തങ്ങള്‍  ജമലുല്ലൈലി ഉദ്ഘാടനം ചെയ്യും. ശുഐബ് മാസ്റ്റര്‍ വേളം  ക്ലാസെടുക്കും.  എസ്.ബി.വി ജില്ലാ സെക്രട്ടറി ഫുആദ് വെള്ളിമാട്കുന്ന് പുതിയ കമ്മിറ്റി  തെരഞ്ഞെടുപ്പിന് നേതൃത്വം നല്‍കും. കെ കോയ ഹാജി കോടമ്പുഴ, കെ  അബ്ദുല്‍കരീം മാഹിരി, കെ.എം മൂസ മൗലവി, ടി അബ്ദുല്‍ ഹമീദ് ഫൈസി പ്രഭാഷണം  നടത്തും.