തൊട്ടില്‍പ്പാലം: പ്രൊഫഷനല്‍ പ്രോഗ്രാം ഏജന്റ്‌സ് ഫെഡറേഷന്‍ (പി.പി.എ.എഫ്) ഒന്‍പതാം സംസ്ഥാന സമ്മേളനത്തിനു കുറ്റ്യാടിയില്‍ തുടക്കമായി.
 പ്രതിനിധി സമ്മേളനം ഗ്രാമപഞ്ചായത്ത് പ്രസിഡന്റ് സി.എന്‍ ബാലകൃഷ്ണന്‍ ഉദ്ഘാടനം ചെയ്തു. ഗുരുവായൂര്‍ ചന്ദ്രന്‍ അധ്യക്ഷനായി. സമ്മേളനത്തോടനുബന്ധിച്ച് പ്രാദേശിക കലാകാരന്‍മാരെ ആദരിച്ചു.
മനോജ് പീലി കായക്കൊടി, പ്രദീപ് വൈശാലി, രഘുസാരഥി, ഫ്രെസ്‌കോ ചന്ദ്രന്‍, ബൈജുരാജ്, ദൃശ്യമുരളി സംസാരിച്ചു. ഇന്നും നാളെയുമായി നടക്കുന്ന വിവിധ സെഷനുകളില്‍ വിവിധ കലാകാരന്‍മാരുടെ സംഗമം, നാടകം, ഗാനമേളകള്‍, മാജിക് ഷോ, ഒപ്പന, തിരുവാതിര, മാര്‍ഗംകളി എന്നിവ അരങ്ങേറും. ഇന്നു വൈകിട്ട് നാലിന് ഘോഷയാത്ര നടക്കും.
 വൈകിട്ട് അഞ്ചിനു നടക്കുന്ന സാംസ്‌കാരിക സമ്മേളനം തുറമുഖ വകുപ്പ് മന്ത്രി കടന്നപ്പള്ളി രാമചന്ദ്രന്‍ ഉദ്ഘാടനം ചെയ്യും. മുല്ലപ്പള്ളി രാമചന്ദ്രന്‍ എം.പി, എം.എല്‍.എമാരായ പാറക്കല്‍ അബ്ദുല്ല, ഇ.കെ വിജയന്‍ പങ്കെടുക്കും.