കല്‍പ്പറ്റ: ജില്ലയില്‍ ഉയര്‍ന്ന പോളിങ് ശതമാനം നേടാന്‍ സഹായിച്ച എല്ലാ വോട്ടര്‍മാര്‍ക്കും ഉദ്യോഗസ്ഥര്‍ക്കും മാധ്യമ പ്രവര്‍ത്തകര്‍ക്കും ജില്ലാ തെരഞ്ഞെടുപ്പ് ഓഫിസറായ ജില്ലാ കലക്ടര്‍ കേശവേന്ദ്ര കുമാര്‍ നന്ദി അറിയിച്ചു. തെരഞ്ഞെടുപ്പ് കമ്മിഷന്റെ സ്വീപ് പദ്ധതിയുടെ ഭാഗമായുള്ള 'ഓര്‍മ മരം' വന്‍ വിജയമാക്കാന്‍ സഹായിച്ചതിനും കലക്ടര്‍ നന്ദി അറിയിച്ചു. 'ഓര്‍മ മരം' പദ്ധതിയുടെ വിജയം പോളിങ് ശതമാനം ഉയര്‍ത്താന്‍ സഹായകമായതായും കലക്ടര്‍ പറഞ്ഞു.