തൊടുപുഴ: പെന്‍ഷനേഴ്‌സ് യൂനിയന്‍ കാരിക്കോട് യൂനിറ്റ് കുടുംബമേള പ്രസിഡന്റ് എന്‍ ശിവരാമന്റെ അധ്യക്ഷതയില്‍ ചേര്‍ന്നു. തൊടുപുഴ മുനിസിപ്പല്‍ ചെയര്‍പേഴ്‌സണ്‍ സഫിയ ജബ്ബാര്‍ ഉദ്ഘാടനം ചെയ്തു. ജീവിതശൈലി രോഗങ്ങളെക്കുറിച്ച് തൊടുപുഴ ഗവണ്‍മെന്റ് ആശുപത്രിയിലെ ഡോക്ടര്‍മാരായ ചിപ്പി കാതറിന്‍ അബ്രഹാം, ബിന്‍സി ചെറിയാന്‍ എന്നിവര്‍ ക്ലാസെടുത്തു. സാഹിത്യരംഗത്ത് പ്രവര്‍ത്തിക്കുന്ന ജോസഫ് പട്ടാംകുളം, ടി.എം അബ്ദുല്‍കരിം, കെ വേലായുധന്‍ എന്നിവരെ പൊന്നാടയണിയിച്ച് ആദരിച്ചു.
യൂണിയന്‍ ജില്ലാ സെക്രട്ടറി വി.കെ മാണി, മുനിസിപ്പല്‍ കൗണ്‍സിലര്‍മാരായ കെ.എം ഷാജഹാന്‍, സബീന ബിഞ്ജു, ബ്ലോക്ക് സെക്രട്ടറി എന്‍ പി പ്രഭാകരന്‍നായര്‍, എം കെ രാധാകൃഷ്ണന്‍ നായര്‍, ഒ.എസ് സമദ്, എ.കെ ദിവാകരന്‍, സണ്ണി തെക്കേക്കര, കെ.എം പരീത് എന്നിവര്‍ സംസാരിച്ചു. ടി.എം അബ്ദുല്‍കരിം സ്വാഗതം പറഞ്ഞു.