ഔറംഗാബാദ്: മഹാരാഷ്ട്രയിലെ പ്രധാനപ്പെട്ട പടക്കനിര്‍മാണ കേന്ദ്രത്തില്‍ തീപിടുത്തം. ദീപാവലി പ്രമാണിച്ച് നിര്‍മിച്ച താല്‍കാലിക പടക്ക വ്യാപാരകേന്ദ്രത്തിനാണ് തീപിടിച്ചത്. മാര്‍ക്കറ്റിലെ 200 ഓളം കടകള്‍ കത്തിനശിച്ചു. സമീപത്തു നിര്‍ത്തിയിട്ട 40 ഓളം വാഹനങ്ങളും അഗ്നിക്കിരയായി. ഇന്ന രാവിലെയാണ് തീപിടുത്തം ഉണ്ടായത്.

ആളപായമൊന്നും സംഭവിച്ചിട്ടില്ല. വ്യാപിക്കുന്നതിന് മുന്നെ തന്നെ തീ കണ്ടതിനെ തുടര്‍ന്ന് ജീവനക്കാരും കടയിലുണ്ടായിരുന്നവരും ഉടനെ പുറത്തേക്കോടി രക്ഷപ്പെട്ടു. തീപിടുത്തത്തിന്റെ കാരണം എന്തെന്ന് വ്യക്തമായിട്ടില്ല. അഗ്നിശമനാ സേനാംഗങ്ങള്‍ ഒരു മണിക്കൂറുകൊണ്ടാണ് തീ നിയന്ത്രണവിധേയമാക്കിയത്.