കൊച്ചി: പൊന്നുരുന്നി ഗ്രാമീണ വായനശാലയുടെ 70-ാം വാര്‍ഷികാഘോഷ പരിപാടികളുടെ ഭാഗമായി കഥാരചന, കവിതാരചന, ചിത്രരചന, പെയിന്റിംഗ്, ലളിതഗാനം, ക്വിസ് തുടങ്ങി വിവിധ മത്സരങ്ങള്‍ സംഘടിപ്പിക്കും. ഡിസംബര്‍ മൂന്നിന് വൈറ്റില പൊന്നുരുന്നി വായനശാലയില്‍ നടക്കുന്ന മത്സരങ്ങളില്‍ പ്രായഭേദമില്ലാതെ ആര്‍ക്കും പങ്കെടുക്കാം.
കവിത, കഥാ മത്സരങ്ങള്‍ക്ക് പ്രത്യേക വിഷയമില്ല. കഥകളും കവിതകളും നവംബര്‍ 15നകം സെക്രട്ടറി, പൊന്നുരുന്നി ഗ്രാമീണ വായനശാല, പൊന്നുരുന്നി, വൈറ്റില, കൊച്ചി- 682019 എന്ന വിലാസത്തില്‍ ലഭിക്കണം. മത്സരവിജയികള്‍ക്കുള്ള സമ്മാനങ്ങള്‍ ഡിസംബര്‍ നാലിന് നടക്കുന്ന സപ്തതിസമ്മേളനത്തില്‍ വച്ച് നല്‍കുന്നതാണ്. കൂടുതല്‍ വിവരങ്ങള്‍ക്ക്: 9288012342.