പുലിയൂര്‍: പുലിയൂര്‍ ഗവ. ഹയര്‍സെക്കന്ററി സ്‌കൂള്‍ സുവര്‍ണ ജൂബിലി ആഘോഷത്തിന് മുന്നോടിയായുള്ള പൂര്‍വ്വ വിദ്യാര്‍ത്ഥി സംഗമം നവംബര്‍ ഒന്നിന് വൈകിട്ട് 3.30ന് സ്‌കൂള്‍ അങ്കണത്തില്‍ നടക്കും.
പ്രസിദ്ധ സിനിമാ സീരിയല്‍ താരവും പൂര്‍വ്വ വിദ്യാര്‍ത്ഥിയുമായ കൈലാസ് നാഥ് ഉദ്ഘാടനം നിര്‍വ്വഹിക്കും. സംഘടനാ പ്രസിഡന്റ് അഡ്. ഡി.വിജയകുമാര്‍ അദ്ധ്യക്ഷത വഹിക്കും. പുലിയൂര്‍ പഞ്ചായത്ത് പ്രസിഡന്റ് ടി.ടി.ഷൈലജ ലോഗോ പ്രകാശനം ചെയ്യും. ഹരിപ്പാട് ഒന്നാംക്ലാസ്സ് ജുഡീഷ്യല്‍ മജിസ്‌ട്രേറ്റ് ഡോണി തോമസ് വര്‍ഗീസ് മുഖ്യ പ്രഭാഷണം നടത്തും. പ്രൊഫ. കെ.എന്‍. ഗോപാലകൃഷ്ണക്കുറുപ്പ് മണ്‍മറഞ്ഞ പൂര്‍വ്വ വിദ്യാര്‍ത്ഥികളെ അനുസ്മരിക്കും. ജില്ലാ പഞ്ചായത്ത് അംഗവും പൂര്‍വ്വ വിദ്യാര്‍ത്ഥിയുമായ ജോജി ചെറിയാന്‍ സംഘടനാ ലക്ഷ്യവും പ്രവര്‍ത്തനവും വിശദീകരിക്കും. സബ്ബ് ഇന്‍സ്‌പെക്ടര്‍ ഓഫ് പോലീസ് പി.ആര്‍.സന്തോഷ് ഉപഹാര സമര്‍പ്പണവും, വൈസ് പ്രസിഡന്റ് കെ.രാജപ്പന്‍ നായര്‍ സംഘടനാ നാമകരണവും നല്‍കും. ചടങ്ങില്‍ പൂര്‍വ്വ വിദ്യാര്‍ത്ഥികളും വിവിധ സാമൂഹ്യ, സാംസ്‌ക്കാരിക, വിദ്യാഭ്യാസ മേഖലയുലെ പ്രമുഖരും സംബന്ധിക്കും.