പേരാമ്പ്ര: രാജ്യത്തെ ഏക സിവില്‍കോഡിന്റെ പേരില്‍ തകര്‍ക്കാന്‍ ശ്രമിക്കുന്ന നീക്കങ്ങളെ യോജിച്ച് എതിര്‍ക്കണമെന്ന് യൂത്ത് ലീഗ് സംസ്ഥാന ജനറല്‍ സെക്രട്ടറി സി.കെ സുബൈര്‍ ആവശ്യപ്പെട്ടു.
ചങ്ങരോത്ത് പഞ്ചായത്ത് മുസ്‌ലിം യൂത്ത് ലീഗ് സംഘടിപ്പിച്ച ബാഫഖി തങ്ങള്‍, സി.എച്ച് മുഹമ്മദ് കോയ അനുസ്മരണ സംഗമം 'സ്മൃതിപഥം' ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
സയ്യിദ് അലി തങ്ങള്‍ പാലേരി അധ്യക്ഷനായി. സി.പി സൈതലവി അനുസ്മരണ പ്രഭാഷണം നടത്തി. എസ്.പി കുഞമ്മദ്, അസീസ് ഫൈസി, പാളയാട്ട് ബഷീര്‍, മുഹമ്മദലി കന്നാട്ടി, കെ.ടി അബ്ദുല്ലത്തീഫ്, ജൈസല്‍ കന്നാട്ടി, ജൗഹര്‍ പാലേരി, ഉബൈദ് പുത്തലത്ത്, ഫൈസല്‍ കടിയങ്ങാട് സംസാരിച്ചു.
സെക്രട്ടറി ഷിഹാബ് കന്നാട്ടി സ്വാഗതവും കെ. അബ്ദുറഷീദ് നന്ദിയും പറഞ്ഞു.