മയ്യില്‍: തളിപ്പറമ്പ് സൗത്ത് ഉപജില്ലാ ശാസ്‌ത്രോത്സവം സമാപിച്ചു. മയ്യില്‍ ഗവ.ഹയര്‍ സെക്കന്‍ഡറി സ്‌കൂള്‍ ഓവറോള്‍ ചാംപ്യന്മാരായി. ശാസ്ത്രമേളയില്‍ എല്‍.പി വിഭാഗത്തില്‍ കണ്ടക്കൈ എ.എല്‍.പി സ്‌കൂളും യു.പി വിഭാഗത്തില്‍ പെരുമാച്ചേരി യു.പിയും ഹൈസ്‌കൂള്‍ വിഭാഗത്തില്‍ മയ്യില്‍ ഗവ.ഹയര്‍ സെക്കന്‍ഡറിയും ഹയര്‍ സെക്കന്‍ഡറി വിഭാഗത്തില്‍ മൊറാഴ ഹയര്‍ സെക്കന്‍ഡറിയും ചാംപ്യന്മാരായി. ഗണിതശാസ്ത്ര മേളയില്‍ എല്‍.പി, യു.പി വിഭാഗങ്ങളില്‍ കയരളം യു.പിയും  ഹൈസ്‌കൂള്‍ വിഭാഗത്തില്‍ മയ്യില്‍ ഗവ.ഹയര്‍ സെക്കന്‍ഡറിയും ചാംപ്യന്മാരായി. സമാപന സമ്മേളനം ആന്തൂര്‍ നഗരസഭാ ചെയര്‍പേഴ്‌സണ്‍ പി.കെ ശ്യാമള ഉദ്ഘാടനം ചെയ്തു. പി.ടി.എ പ്രസിഡന്റ് പി വത്സന്‍ അധ്യക്ഷനായി. തളിപ്പറമ്പ് സൗത്ത് എ.ഇ.ഒ കെ.വി ലീല സമ്മാന ദാനം നിര്‍വഹിച്ചു.