പാലക്കാട്: സി.ഐ.ടി.യു സംസ്ഥാന പ്രസിഡന്റായി വീണ്ടും ആനത്തലവട്ടം ആനന്ദനെയും ജനറല്‍ സെക്രട്ടറിയായി എളമരം കരീമിനെയും തെരഞ്ഞെടുത്തു. നിലവില്‍ ഇവര്‍ തന്നെയായിരുന്നു പ്രസിഡന്റും സെക്രട്ടറിയും. പി. നന്ദകുമാറാണ് ട്രഷറര്‍. പാലക്കാട് നടന്ന സി.ഐ.ടി.യു സംസ്ഥാന സമ്മേളനത്തിലാണ് പുതിയ ഭാരവാഹികളെ പ്രഖ്യാപിച്ചത്. സെക്രട്ടറിമാരില്‍ അഞ്ചു പേര്‍ പുതുമുഖങ്ങളാണ്. പുതിയ സംസ്ഥാന കമ്മിറ്റിയില്‍ 165 അംഗങ്ങളുണ്ട്.