കല്ലമ്പലം: ഇലക്ഷന്‍ ഡ്യൂട്ടിക്കെത്തിയവര്‍ക്ക് ഭക്ഷണവും താമസ സൗകര്യവും ആംബുന്‍സും ഏര്‍പ്പെടുത്തി വില്ലേജ് ഓഫിസര്‍ മാതൃകയായി.
നാവായികുളം ഗ്രാമപഞ്ചായത്തിലെ കുടവൂര്‍ വില്ലേജ് ഓഫിസര്‍ ജയബാബുവാണ് തന്റെ കീഴിലുള്ള ഒമ്പത് ബൂത്തുകളിലെ തെരഞ്ഞെടുപ്പ് ഡ്യൂട്ടിയിലുണ്ടായിരുന്ന മുഴുവന്‍ ജീവനക്കാര്‍ക്കും ഭക്ഷണവും താമസ സൗകര്യവും ഒരുക്കിയത്. ഇതിനായി ജയബാബു വീട്ടില്‍ കാറ്ററിങ് ജോലിക്കാരെ നിര്‍ത്തിയാണ് ഭക്ഷണമൊരുക്കിയത്. ഞായറാഴ്ച രാത്രി മുതല്‍ വോട്ടെടുപ്പ് കഴിയുന്നത് വരെയുള്ള എല്ലാ ഭക്ഷണവും നല്‍കി ഞായറാഴ്ച രാത്രി ഒരു പോളിങ് ബൂത്തിലെ അലമാരയുടെ ഡോര്‍ തട്ടി ഒരു ഉദ്യോഗസ്ഥന് പരുക്കേറ്റപ്പോള്‍ ഉടന്‍ തന്നെ വില്ലേജ് ഓഫിസര്‍ ഒരുക്കി നിര്‍ത്തിയിരുന്ന ആംബുലന്‍സ് എത്തി. ഉടന്‍ പരുക്കേറ്റയാളെ ആശുപത്രിയിലെത്തിച്ചു. നാവായികുളം ക്ഷേത്രത്തിലെ സേവന സമിതിയാണ് ഇതിനായി ആംബുലന്‍സ് വിട്ടു നല്‍കിയത്.