കൊല്ലം: ജില്ലയില്‍ അഞ്ചോ അതില്‍ കൂടുതലോ പശുക്കളുള്ള കറവയന്ത്രം ഇല്ലാത്ത കര്‍ഷകര്‍ക്ക് യന്ത്രം വാങ്ങുന്നതിന് മൃഗസംരക്ഷണ വകുപ്പ് സബ്‌സിഡി നല്‍കും. 50 യൂനിറ്റുകള്‍ക്ക് 25000 രൂപ വീതമാണ് നല്‍കുക. താല്‍പര്യമുള്ള കര്‍ഷകര്‍ അടുത്തുള്ള മൃഗാശുപത്രിയില്‍ നവംബര്‍ 15 നകം അപേക്ഷ നല്‍കണം. കറവയന്ത്രം വാങ്ങിയശേഷം സബ്‌സിഡി തുക ഗുണഭോക്താവിന്റെ ബാങ്ക് അക്കൗണ്ടിലേക്ക് നല്‍കും. വിശദവിവരങ്ങള്‍ എല്ലാ മൃഗാശുപത്രികളിലും ലഭിക്കും.