കൊല്ലം: താലൂക്കിലെ കുണ്ടറ, കൊല്ലം, ഇരവിപുരം, ചാത്തന്നൂര്‍ നിയോജക മണ്ഡലങ്ങളിലെ പോളിങ് ബൂത്ത് ലെവല്‍ ഓഫീസര്‍മാരുടെ 50 ഒഴിവുകളിലേക്ക് നിയമനം നടത്തും. അപേക്ഷകന്‍അപേക്ഷക നിയോഗിക്കപ്പെടുന്ന ബൂത്തിന്റെ പരിധിയില്‍ താമസിക്കുന്നയാളും അതേ ബൂത്തിലെ വോട്ടറുമായിരിക്കണം. അവശ്യ സര്‍വീസ്, സേനാ വിഭാഗങ്ങള്‍ ഒഴികെയുള്ള കേന്ദ്രസംസ്ഥാന അര്‍ധ സര്‍ക്കാര്‍ ജീവനക്കാര്‍, പോസ്റ്റ്മാന്‍, അങ്കണവാടി ജീവനക്കാര്‍, സര്‍വീസില്‍ നിന്നും റിട്ടയര്‍ ചെയ്ത ഉദ്യോഗസ്ഥര്‍ എന്നിവര്‍ക്കും അപേക്ഷിക്കാം. വിശദ വിവരങ്ങള്‍ കൊല്ലം താലൂക്ക് ഓഫിസിലെ തെരഞ്ഞെടുപ്പ് വിഭാഗത്തിലും 0474 2762722 എന്ന നമ്പരിലും ലഭിക്കും.