കൊടുവള്ളി: ബ്ലോക്ക് ഓഫിസ് കെട്ടിടത്തില്‍ പ്രവര്‍ത്തിച്ചിരുന്ന കൊടുവള്ളി റെയില്‍വേ റിസര്‍വേഷന്‍ കൗണ്ടണ്ടറിന്റെ പ്രവര്‍ത്തനം പുനരാരംഭിക്കുന്നതിനാവശ്യമായ നടപടികളെടുക്കണമെന്നു നഗരസഭാ ഉപാധ്യക്ഷന്‍ എ.പി മജീദ് മാസ്റ്റര്‍ പ്രസ്താവനയില്‍ ആവശ്യപ്പെട്ടു. ജില്ലയില്‍ കൂടുതല്‍ വരുമാനമുള്ളതും ഏറെ ആളുകള്‍ ബന്ധപ്പെടുന്നതുമായ കേന്ദ്രം അടച്ചുപൂട്ടുന്നതിനു പിന്നില്‍ പ്രവര്‍ത്തിച്ചവര്‍ക്കെതിരേ അന്വേഷണം നടത്തണം. പ്രശ്‌നത്തില്‍ അടിയന്തര ഇടപെടല്‍ ആവശ്യപ്പെട്ടു ബന്ധപ്പെട്ടവര്‍ക്കു നിവേദനം നല്‍കിയതായി അദ്ദേഹം അറിയിച്ചു.